Бұған дейін бірнеше кітабы жарық көрген автордың бұл жинағында әр жанрда сомдаған өмір туралы толғамдары беріледі. «Ана тағдыры» повесінде тағдыр талқысына мойымай, өмір бұрқасынына қасқайып қарсы тұрған табиғаты нәзік, жігері мықты қазақ әйелінің тағдыры шынайылықпен баяндалса, әңгімелер бөлімінде жас ұрпақтың ұлттық санасын қалыптастыруға игі ықпалын тигізетін танымдық-ғибратты туындылары жалғасын табады. Ал өлеңдер топтамасындағы терең философиялық иірімдер мен отбасы мүшелеріне деген толғаныс-тебіреністері оқырман жүрегін баурап алады.

Еңбекте қазақ фольклорының өзекті мәселелері қамтылады. Фольклорлық бейнелердің өзін сомдаушы халықтың әлеуметтік өмірімен және рухани әлемімен байланысы анықталады. Қазақ фольклорындағы қасқыр бейнесі жан-жақты ашылып, ол ілкі ата, хтоникалық хайуан және сатиралық бейне ретінде тұтастай беріледі. Қазақ фольклорындағы қасқыр бейнесінің мифтік санадан көркем ойлау жүйесіне дейін көтерілген, халықтың діни наным-сенімін танытатын, жан-жақты сомдалған күрделі бейне екендігін анықтаумен бірге, халық санасының өсуіне сәйкес бейнелердің символикалық мәнінің өзгеру барысы көрсетіледі. Дәстүрлі поэтикалық әдіс-тәсілдерге талдау жасалады.

Бұл еңбекте мифтік кейіпкерлерді сипаттайтын фольклорлық мәтіндер мен фольклортанушы ғалымдардың тұжырымдары негізінде жасалған талдаулар келтіріледі.

Халықтың қиялы мен наным-сенімінің буалдыр елесі ретінде бүгінгі күнге жетіп отырған фольклорлық бейнелер жүйеленіп, кескін-кейіп, суретке айналып жұрт назарына ұсынылады.

Бұл еңбекте қазақ халқының танымал батырлық және ғашықтық

жырларының негізінде жазылған комикстер мен анимациялық

фильмдердің сценарийлері берілген.

Кітап халық ауыз әдебиетіндегі кейіпкерлерді көпшілікке танымал

ету бағытында ізденіп жүрген өнер ұйымдарына, рухани мұрамызға

қызығушылық танытқан жалпы оқырманға арналады.